НЭРИЙН ЗОЧИН  Эдийг засаг  Улс төр  Нийгэм  Дэлхий  Спорт  Видео  Урлаг   Бусад  

ГАШУУНСУХАЙТ БООМТООР ӨДӨРТ 400-700 ГАРУЙ АВТОМАШИНААР НҮҮРС ГАРГАЖ БАЙНА

ner.mn     Нийтлэгч
4 сарын өмнө /2020-06-17 20:28:45 GMT +8 / | 532 удаа уншсан

Нүүрсний экспорт бага багаар сэргэж байгаа талаар боомтууд мэдээллээ. Гашуунсухайт боомтоор сүүлийн нэг сар орчмын хугацаанд өдөрт 400-700 гаруй автомашинаар нүүрс гаргаж байгаа юм байна.

Харин Шивээхүрэн боомтоор өдөрт 450-500 орчим автомашинаар нүүрс гаргаж байна. Оны эхнээс хойш Шивээхүрэнгээр нийт 2.3 сая орчим тонн нүүрс экспортолсон нь өнгөрсөн оны мөн үетэй харьцуулахад 63 орчим хувиар бага байгааг Шивээхүрэн боомтоос мэдээллээ.

Сарын үзүүлэлтээс харвал тавдугаар сард Монгол Улсын нүүрсний экспорт өмнөх сарынхаас 117 хувиар нэмэгдэж, 2.17 сая тонн болсон талаар Гаалийн ерөнхий газар мэдээлсэн юм. Хэдий тийм боловч энэ нь өнгөрсөн оны мөн үетэй харьцуулахад 40.9 хувиар бага дүн ажээ.

Монгол Улс энэ онд 42 сая тонн нүүрс экспортлохоор төлөвлөж, төсөвтөө тусгаж өгсөн юм. Энэхүү төлөвлөгөө боломжгүй болсныг компаниудын төлөвлөгөөнд гарч байгаа өөрчлөлтөөс харж болохоор байна.

АНХААРУУЛГА: Уншигчдын бичсэн сэтгэгдэлд ner.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.