НЭРИЙН ЗОЧИН  Эдийг засаг  Улс төр  Нийгэм  Дэлхий  Спорт  Видео  Урлаг   Бусад  

ӨМӨЗО-НЫ НҮҮРСНИЙ ИМПОРТ ЖИЛИЙН ӨМНӨХӨӨС 118 ХУВИАР ӨССӨН БАЙНА

ner.mn     Нийтлэгч
4 сарын өмнө /2017-08-01 16:30:30 GMT +8 / | 430 удаа уншсан

Оны эхний хагаст ӨМӨЗО 19.77 сая тонн нүүрс импортолсон нь жилийн өмнөхөөс 118 хувиар өссөн дүн болохыг Гаалийн газар нь мэдээллээ. Мөнгөн дүнгээр энэ нь 1.27 тэрбум ам.долларт хүрч, жилийн өмнөхөөс 3.48 дахин өссөн байна. Мөн нэг тонн нүүрсний дундаж ханш 64.24 ам.доллар байсан талаар Өвөр Монголын холбогдох алба мэдээлжээ. Өвөр Монгол руу нийлүүлж байгаа нүүрсний дийлэнхийг Монголоос "Ганцмод", "Сэхэ" боомтоор дамжуулан гаргадаг. Ашигт малтмал, газрын тосны газрын мэдээлснээр эхний хагас жилд Монгол Улс 26 сая тонн нүүрс олборлож, 19.1 сая тонныг нь экспортолсон. Экспорт өнгөрсөн оны мөн үеийнхээс 98.89 хувиар өсжээ. Монгол Улсын хувьд Хятадын эрэлтийг дагаж, нүүрсний нийлүүлэлтээ нэмэгдүүлэх бодлого баримталж байгаа юм. Зөвхөн "Эрдэнэс Таван Толгой" компани л гэхэд энэ онд 11.5 сая тонн нүүрс экспортлохоор төлөвлөж байна. Гэхдээ нүүрс тээвэрлэх авто замын ачаалал болон боомтын нэвтрэлтийг сайжруулах шаардлагатай байгааг албаныхан онцолсон. Тийм учраас Тавантолгой-Гашуунсухайт чиглэлийн автозамын засварын ажлыг эхэлсэн бөгөөд наймдугаар сарын 25-нд дуусгахаар төлөвлөж байна.

АНХААРУУЛГА: Уншигчдын бичсэн сэтгэгдэлд ner.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.